Ei framtid i landbruket? Tusenvis av ungdomar samlast til utdanningsmesse i Stavanger til veka. Landbruks- og mataktørar frå matfylket Rogaland er på plass for å fortelja dei kvifor ei utdanning og eit yrke innan mat og landbruk er både viktig og meiningsfullt. Foto: tautdanning.no

Rogaland manglar folk: Kraftsamlar for matnyttig utdanning

Det skortar på folk til å driva landbruket og matproduksjonen i Rogaland. Nå går 13 organisasjonar saman for å rekruttera ungdomen til jord og bords.

Bothild Å. Nordsletten

Måndag og tysdag i neste veke går ei stor utdanningsmesse av stabelen på Stavanger Forum. Til messa er det venta tusenvis av tenåringar frå ungdoms- og vidaregåande skular. Alle på jakt etter informasjon- og inspirasjon til kva utdannings- og yrkesveg dei skal halda fram på.