Tomt til påske

Prioritert: Ombygging til lausdrift i mjølkefjøs med under 30 kyr står øvst på prioriteringslista til Innovasjon Norge Rogaland i år. Det tar ein stor jafs frå potten. Illustrasjonsbilete.


IBU-midlane renn ut av potten hjå Innovasjon Norge Rogaland, men det er fortsatt midlar å søka på.


Jane Brit Sande


Dette kom fram på eit møte som vart arrangert av Innovasjon Norge Rogaland (IN), Statsforvaltaren i Rogaland og Rogaland Fylkeskommune i førre veke.

Råkar generasjonsskifta

Olav Tegle og Aart-Dirk van Zanten Magnussen, finansieringsrådgivarar i IN, sa at dei rekna med å vere ferdige med å gå gjennom alle søknadane til mjølkebruk innan månadsskiftet februar/mars. Ombygging til lausdrift i mjølkefjøs med under 30 kyr står øvst på prioriteringslista i år.


– Me prioriterer prosjekt med byggestart i inneverande år. Kan du venta med å starta opp, bør du også venta med å søka om støtte til neste år, sa Magnussen.


Deretter kjem gjødsel– og fôrlager, landbruksbaserte næringar – lokalmat og reiseliv, og generasjonsskifte til sist.
Den store pågangen syner at det er stor investeringsvilje i landbruket, i følgje Tegle og Magnussen.