Trong fødsel for landbruksplanen i Hå

Har me ein plan?: Eit aktivt landbruk pregar heile Jæren, men driftige bønder hamnar ofte i konflikt med natur-, miljø- og kulturminneinteresser. Illustrasjonsfoto: Bjørn Georg Øie


– Mange bønder kjenner seg knebla av dei byråkratiske prosessane, seier Åsbjørn Høyland, leiar i Nærbø Bondelag.


Jane Brit Sande


Norges største husdyrkommune skal for første gong få ein landbruksplan. Planen skal gjelde for 2021-2033. Høyringsutkastet var klart i vår, men vart stansa i den politiske handsaminga. Ein vedtaksklar versjon lar vente på seg, men no presser politikarane på for å få fortgang i saka.

Kneblande

Høyringsutgåva av landbruksplanen er eit dokument på over 60 sider. Mange bønder meiner at dokumentet er for langt og for byråkratisk skrive, og at dette vil resultera i at bøndene ikkje set seg inn landbruksplanen og kva den betyr for dei. Knut Åge Gjersdal, er bonde og medlem i Utvalg for tekniske saker og næring (Sp).


– Planen ber preg av lange lister over kva som ikkje skal vere lov å gjere. Det er beint fram kneblande, slik planen er no. Alt som er gjort i arbeidet med landbruksplanen, må gjerast på ein annan måte, seier han.