Orienteringsbehov: Godt frammøte på grisemøte på Undheim.

Tydeleg tale frå ei samla næring; SPF er framtida

Betre dyrehelse, betre økonomi og lågare klimafotavtrykk. Ifølgje ei samla svinenæring er SPF-satsinga svaret på fleire av utfordringane næringa står overfor, og no aukar presset på dei som enno ikkje har teke steget.

Hilde Elin Østerhus​

​– Overgang til SPF-produksjon er den beste investeringa i landbruket i dag, seier Odd Finnesand.

Han er tilsett i Norsvin som leiar for samarbeidsprosjektet «Unge bønder, friskere gris – en fremtidsrettet svineproduksjon i Rogaland», og inviterte næringa til allmøte på Undheim samfunnshus, 18. august. Oppmøtet var bra, det som finst av fagfolk var på plass. Prosjektet er eit samarbeid mellom Nortura, Fatland, Prima slakt, Felleskjøpet, Fiskå, Rogaland fylkeskommune og Norsvin.