Sauehus er fleirbrukshus: Fungerar også som møtelokale og leikerom for småtroll.

Uttak av påsettlam

– Ingen har råd til å gjere avlsarbeid på slump, seier Per Johan Lyse.
Uttak av dei beste saulamma er eit steg på vegen mot auka inntekt.

Hilde Elin Østerhus​

Frå nyttår 2027 vil kvalitetstilskotet for lam auke til kr 939 per lam i klasse O+ og betre, når dei er 15,1 kg og meir.

– Uttak av livlam bør gjerast i to trinn. Fyrst eit grovuttak basert på indeksar, deretter ei finsiling basert på eksteriøret, seier Per Johan Lyse.

Han er rådgjevar småfe i Nortura, tidlegare sauebonde og har lang fartstid som medlem i i avlsrådet i Norsk Sau og Geit. Lyse har vore kåringsdommar på vêrlam i 20 år, ein røynd mann å ha med seg når ein skal vurdere årets saulam for mogleg framtid i besetninga.