Veit ikkje kor lenge marknadsuroa vil vara

Dyr gass: Gassprisane er rekordhøge i Europa. Det skapar trøbbel i form av auka straumpriser og høge og ustabile råvarepriser. Foto: Istock


Den norske bonden som står på fjøsgolvet og bit negler i frustrasjon over global uro og heftig kostnadsauke må bu seg på urolege og uføreseielege tider ei stund til, meiner Christian Anton Smedshaug.


Sjur Håland


– Ja, det er ein naturleg konklusjon. Nett nå er det ingen tydelege løysingar i sikte. Det vil fort bli kamp om både energi og råvarer ute i verda nokre år framover. Vi veit rett og slett ikkje kor lang tid det går før dei globale marknadane stabiliserer seg, seier han.