Eit familieprosjekt: For Bjørn Ståle og Silje er det viktig å inkludere barna i alt dei gjer. Syskenflokken på fire er ein viktig ressurs. Foto: Privat

Vil ha krav om SPF

Bjørn Ståle Bekkeheien håper det blir eit krav at alle svinebesetningar må legge om til SPF. – Eg har gått frå å vere sterkt negativ til SPF til å bli sterkt positiv, seier jærbonden.

Liv Kristin Sola

Bjørn Ståle Bekkeheien var alt anna enn positiv til å legge om til SPF. Når han vart utfordra på kvifor, hadde han argumentrekka klar:

– Altfor kostbart, SPF-grisen toler lite, stor risiko for re-smitte og dusjing fleire gonger om dagen. Ikkje kan du ha lag med andre grisebønder, og ungane må velje seg vener med omhu.