Ser alvoret: Andres Bakke Klemoen, generalsekretær i Norsk Bonde- og Småbrukarlag, vil ha omkamp om fosforgrensene i det nye gjødselregelverket og meiner det er alvorleg om regelverket blir innført.

Vil ha omkamp om nytt gjødselregelverk

Fleire mana til omkamp om gjødselregelverket under stormøte i regi av Småbrukarlaget, men ikkje alle er samde i at det er rett måte å løyse floka på.

Jofrid Åsland Gilje

– Mykje av desse planane blei lagde ut frå premissen om at me hadde nok mat, og at det var miljø som var den viktigaste saka. Medan no handlar det om sjølvforsyning og beredskap og at me skal auke produksjonen, sa Tor Jacob Solberg, leier av Norsk Bonde- og Småbrukarlag til Bondevennen før møtet.

Han deltok på arrangementet som bar tittelen «Skal skrivebordsmodellar stoppe norsk matproduksjon?»

Solberg vil ha ei anna lyssetting på framtidas landbrukspolitikk.