Vil lytta og læra

Grønt og blått: Landbruks- og matminister Bård Hoksrud (FrP) i grønt gras på Jæren.


Bård Hoksrud fekk gjødselvareføreskrifta og pelsdyrsaka rett i fanget over natta. Den nye Landbruks- og matministeren vil ha tollvern og landbruk i heile landet, og lovar å lytta og læra.


Sjur Håland


Han er den tredje statsråden på rad frå Framstegspartiet med ansvar for landbruk og mat. Førre veke var han i Rogaland.


– Nå prioriterer eg mykje tid på å reise rundt og bli kjent med folk sine kvardagsutfordringar. Eg vil lytta og ta med meg signala eg får inn i mitt arbeid.

Jordvern

På spørsmål om jordvern og utbyggingspress, held Hoksrud fram den eksisterande nasjonale jordvernstrategien.


– Eg er oppteken av å følgja opp det som stortinget har bestemt, maks 4.000 dekar omdisponering av dyrka jord per år innan 2020. I fjor enda talet på 4025 dekar, me er på rett veg, og eg registrerer med glede at det føregår ein del nydyrking.

Pelsdyr

Pelsdyrnæringa sitt endelikt kan vera nært føreståande. Då Venstre vart ein del av regjeringskonstellasjonen, vart nedlegging av norsk pelsdyrhald ein del av avtalen mellom regjeringspartia.