God kontakt: Nyfikne ungpurker er gilde kollegaer for Tonje Fjetland.

Elskar strukturen i puljedrifta

– Det er ein altoppslukande livsstil, men eg elskar det, seier Tonje Fjetland. Ho er 31 år, driv landets tredje beste smågrisproduksjon (2025) og kjenner seg heldig med livet.

Hilde Elin Østerhus​

– Me gjer eit målretta arbeid, så det er klart det er kjekt å hamne på topp i statistikken, seier Tonje med eit smil.

Me snakkar om resultata i Ingris-statistikken for 2025. Kva skal til, for å oppnå 36,7 berekna fråvende per årspurke og 2,38 kull per årspurke?

Ho dreg tidleg fram mor si, Aslaug Fjetland, som ho seier ho har lært mykje av. Aslaug og Tonje er mor og dotter, tilsett og driftsleiar, kollega og nabo. Og dei likar jobben sin.