Rask fortørking: Om du breislår eller legg i streng avheng gjerne av jordsmonn. Rask fortørking er viktig for å redusere tørrstofftap på jordet. Foto: Istock / FotoLine6

Grovfôrproduksjon: Kor blir tørrstoffet av?

Du slår og du haustar, og reknar på fôreiningar. Men tenker du på kor mykje tørrstoff du mister undervegs? Og kvifor?

– Tapet er større enn mange trur, seier Ingrid Møgedal i Tine.

Liv Kristin Sola

Tørrstofftap omfattar alt tap av tørrstoff (næring) frå graset blir slått til det blir omsett i drøvtyggarmagen. Undervegs i denne prosessen kan du tape mykje av det dyrebare fôret. Truleg ikkje noko du tenker så mykje på når maskinane sviv og du kjempar på for å få graset i hus før neste «regntid».