Vanleg syn: Skjelsand spreidd på eng og beite med ein «Moi-spreiar» på ettersommar og haust er vanleg mange stader på Vestlandet.

NORSK LANDBRUKSRÅDGIVING:

Optimal kalktilstand i jord er lønsamt

Forsking viser at det er lønsamt å ha eit korrekt pH-nivå i jord til grasdyrking. Størst avlingsutbyte er venta når rett pH får samvirke med andre faktorar, som til dømes god drenering og rett val av artar og sortar.

Arve Arstein, NLR, og Åsmund Mikalsen Kvifte, NIBIO

Kalkomsetnaden i Norge har stige jamt og trutt siste 15 åra; Mattilsynet sin statistikk viser at det vart omsett 137 000 tonn kalk til jordbruket i 2011 og 270 000 tonn i 2023.

Tala omfattar bergverkskalk. Det finst ikkje omsetningstal for skjelsand, men vi veit at mange stader lang kysten er skjelsand eit populært kalkingsmiddel.