Friskar opp kunnskap: Johanne Grødem (t.v.) frå BLS er sjølv sauebonde og diskuterer klauver og klauvhelse med Inger Johanne Espeland, Anne Katrine Nevland og Emma Oline Mellemstrand.

På god fot med sauen

– Hald eit auge med føtene og klauvene til dyra dine og klipp ved behov, seier Nortura-rådgivar Tore Oftedal.

Liv Kristin Sola

Onsdag i førre veke inviterte Gjesdal Sau og Geit til fagkveld om klipping av klauv på sau. Deltakarane får sjå eit utval klauver som Tore Oftedal frå Nortura har henta frå slakteriet. Rådgivaren går gjennom ulike klauvformer og vekst på klauvene. Og korleis klauva skal sjå ut når den er ferdig klipt.