Naturbeitemark: Høylandsberget sør for Limavatnet i Gjesdal er vurdert som svært viktig på grunn av ein særleg stor og livskraftig bestand av solblom. Ei slik naturbeitemark skal ikkje gjødslast. Foto: Gudrun Kristensen, fagansvarleg landbruk, natur og miljø i Gjesdal kommune.

Statsforvaltaren varslar oppheving av spreieareal på innmarksbeite

Dersom gjødsling har negativ påverknad på viktige natur- og kulturlandskap kan Statsforvaltaren oppheve vedtak om godkjent spreieareal på innmarksbeite..

Liv Kristin Sola​

Ein gjennomgang gjort av Statsforvaltaren i Rogaland, viser at det er overlapp mellom innmarksbeite godkjend som spreieareal og kartlagde naturverdiar. Det skriv dei på sine nettsider torsdag 23. april.

Statsforvaltaren skal nå gå gjennom avtalane for å vurdere om dei skal oppheve vedtak om godkjenning i område kor kartlagde naturtypar vil bli negativt påverka av gjødsling.