Planlegg for ei travel våronn

Det er ikkje berre skuleelevar og studentar som skal opp til eksamen denne våren. Våronna er ein dryg månad unna kystområda på Sørvestlandet. Sjeldan eller aldri før i moderne tid har så mykje stått på spel for så mange bønder her vest, som denne våren.


Etter nærast samanhengande nedbør dei siste åtte månadane er det fullt lovleg å kjenna på uro i høve til korleis vêret lagar seg når det lid ut i mars, april og mai. Gjødsellagera er meir enn fulle hjå enkelte, medan andre i tillegg slit med snautt grovfôrlager og er avhengig av å kjøpa inn strå- og ekstra kraftfôr.