Tømraren som vart siderbonde: Etter fleire år som tømrar i Stavanger, flytta Dan Olav heim og tok over garden på Hjelmeland i Ryfylke. No lagar han verdas beste sider.


PORTRETT

Vil gjere Hjelmeland til Rogalands Hardanger

Dan Olav Sæbø (32) fekk ein flygande start på sider-eventyret. Same året som han tok over heimegarden drog han også heim ein VM-tittel for drikken Sølvsider. No vil han tilby ei siderrute i Hjelmeland, saman med andre siderbønder i kommunen.


Jane Brit Sande


– Det vart ein pangstart eg aldri hadde drøymt om, seier Dan Olav om sigeren i den prestisjetunge konkurransen Cider World Awards 2020 – VM for sider.


– Då bestemte eg meg for å satsa.


«Point of no return», seier Oddbjørn Sæbø, far til Dan Olav, om braksuksessen til sonen. Han har nok rett. Siderbonden har fått travle dagar sidan han tok over heimegarden Sæbø på Hjelmeland i Ryfylke, i fjor.