Her kjem me att! Kyrne i Tirol blir pynta med blomar, bilete og ulike symbol når dei skal ned og heim frå fjellet om hausten. Eit folkehav av bygdefolk og turistar helsar dei velkomne ned frå fjellet.

AUSTERRIKE:

Almabtrieb: – Eg kjenner tårene presse på

Det er folkefest i den austerrikske landsbyen Westendorf når kyrne kjem heim frå fjellet. Bonde Johann Schwaiger er stolt. – Eg kjenner tårene presse på, seier han.

Liv Kristin Sola

Når september går mot slutten skal kyrne heim frå fjellet. I austerrikske Tirol held mange på tradisjonen med almabtrieb, å buføre flokken til fots, slik dei har gjort i generasjonar.