Fruktbønder i Sogn: På Slinde, djupt inne i Sognefjorden, produserer Cecilie og Agnar Nornes eple og plomme på 32 dekar.

- Eg går alltid med lupe i hagen

Tettare planting og nye metodar for beskjering aukar fruktavlinga per dekar. – 75 eple per tre er optimalt. Då blir det stor og fin frukt, seier fruktbonde Agnar Nornes.


Liv Kristin Sola


Fruktbøndene Cecilie og Agnar Nornes på Slinde i Sogndal legg med dette lista for kva presisjonsnivå det handlar om i moderne fruktdyrking. Og Agnar har meir på lager. Denne gongen om beskjering.


– Første året skal greina kuttast til 30 cm frå stammen. Andre og tredje året, skal greina kuttast ti cm frå førre kutt. Dominerande greiner må vekk, og ingen greiner skal vere eldre enn fire år, seier Agnar, og viser på ei av greinene korleis det ser ut.