Høgare mål: – Heile meininga med å ha kyr, for meg, er å hauste av dei enorme ressursane me har i fjellet, seier Hilde Kalleklev Håland, bonde i Tysvær, og budeie på Hardangervidda.

– Kvifor skal alt vere så lettvint?

Kvar sommar flytter Hilde Kalleklev Håland til seters i lag med familien og buskapen. – Eg hadde aldri ofra ein sommar her oppe for ein million – eller for eit robotfjøs, seier ho.

Liv Kristin Sola

Når våren kjem, pakkar Hilde Kalleklev Håland med seg mann og tre barn, samt kyr, hest, gris og høns, og tek den lange turen frå Tysvær i Rogaland til Krossdalen, vest på Hardangervidda. For Hilde er det sjølve meininga med det å drive mjølkeproduksjon.