Sparringpartnarar: Svein-Magnus (t.h.) nøler ikkje med å ringe Bjørn Ståle når det er noko han lurer på. Etter åtte månadar ser dei resultat av samarbeidet. – Det er viktig å komme på rett spor tidleg. Ikkje minst for motivasjonen, seier Bjørn Ståle.

Motiverte av mentorordning

Då Svein-Magnus Brunes kjøpte gard kunne han lite om smågrisproduksjon. Så fekk han kollega Bjørn Ståle Bekkeheien som mentor.
– Utan mentor er det ikkje sikkert eg hadde halde fram med smågris, seier han.

Liv Kristin Sola

Svein-Magnus Brunes vaks opp i byggefelt på Lye på Jæren. Han har vore avløysar sidan han var 14. Dei siste ti åra har 28-årigen leita etter eit gardsbruk han kunne drive i lag med sambuar Gitte Stangeland.