Angrar ikkje: I dag er Jørn glad for at dei la vekk planane om stort lausdriftsfjøs. Han er stolt over å produsere og selje ei råvare som kundane er villige til å betale ein meirpris for. Foto: Lars Sandved Dalen, NIBIO

Ødhumbla – eit meierieventyr på åtte kvadrat

Eit avslag frå Innovasjon Norge endra kursen for familien Snøan Skoe. Planen om eit stort lausdriftsfjøs vart i staden starten på gardsmjølk frå landets minste meieri.

Liv Kristin Sola

For ti år sidan hadde Berit Snøan og Jørn Skoe planar om å auke produksjonen og bygge lausdriftsfjøs. Dei søkte Innovasjon Norge om tilskot, men fekk avslag. Prosjektet var ikkje ambisiøst nok, var tilbakemeldinga frå Innovasjon. Byggeplanane vart derfor lagt på is og bøndene på Uppigard Skoe måtte tenke nytt.