Full fart:Ein gjetarhund i arbeid har full merksemd på jobben som skal gjerast, og kan vera uheldig og skade seg. Foto: Karianne Kelstrup


VETERINÆREN:

Når gjetarhunden vert sjuk

Miljøet for bruk av gjetarhund veks og mange er aktive med trening og bruk. Hunden er for mange både ein god venn og eit viktig hjelpemiddel i drifta. Men aktive hundar har det også med å hamna i trøbbel.


Hildegunn Mugås, dyrlege ved Hestavangen Dyreklinikk på Voss, og sauebonde.


Mennesket har brukt gjetarhundar i mange hundre år. Den mest nytta rasen er Border Collie. Border Collie er kjent for å vere intelligente og arbeidsvillige hundar. Dei ser opp til leiaren sin og strekker seg langt for å gjennomføra arbeidsoppgåvene dei vert sett til. Instinktet for gjeting ligg i dei fleste frå ung alder, men det ligg òg mykje trening bak ein god gjetarhund.