Viktige distrikt:
Også jærbøndene er avhengige av distriktslandbruket, skriv kronikkforfattaren.


At det i forkant av jordbruksforhandlingane vert uttrykt at dei blir krevjande er noko me opplever kvart år. Om ikkje før, så vil presentasjonen av krav og tilbod alltid utløysa denne kommentaren. I år er det lett å slå det fast på eit tidlegare stadium. Dei framlagde grunnlagstala frå budsjettnemnda syner ikkje uventa nedgang i inntekt, og at føresetnader om inntektsvekst i fjorårets avtale ikkje er oppnådd. Overproduksjon i fleire sentrale produksjonar hindrar uttak av den fastsette målpris, og kostnader til viktige driftsmiddel aukar. I tillegg kjem utsiktene til høgare renter.