Gode råd ved kjemisk brakking

Seigliva: Gammal eng som nyleg er sprøyta med glyfosat. Det trengst høgare dose mot breiblada ugrasartar enn mot grasartar.


Bruk av kjemiske middel ved fornying av gammal eng har blitt meir vanleg. Særleg ved plogfri fornying kan kjemiske middel gi fordelar. Korleis brukar vi midla på best mogleg måte?


Olav Martin Synnes, NLR Vest


Djup pløying, slodding og lett harving før såing og tromling, har vore vanleg framgangsmåte ved fornying av eng. Ingen reiskap tek betre vare på god jordstruktur enn plogen. I tillegg har han verknad på fleirårige ugrasartar. Plogen gjer oss mindre avhengige av andre tiltak mot ugras.