Frå fire til fem skifte:Etter at dei auka frå fire til fem skifte og hyppigare rotasjon, har kyrne respondert med å auke fôropptaket på beite. No går flokken to dagar på kvart skifte. – Me ser at dei er ute meir og at dei beitar meir når dei er ute, seier Grethe. Foto: Privat

Ferskt gras lokkar kyrne ut

Tilgang til friskt gras annankvar dag freistar kyrne å gå ut og beite kvar dag, sjølv om dei har godt fôr på fôrbrettet.

Liv Kristin Sola

​Då Grethe Skræi Braut og Odd Braut bygde om til lausdrift i 2016, var dei opptekne av å få til god beitedrift i kombinasjon med robotmjølking. Løysinga vart skiftebeiting.

– Me starta med tre skifte, men det vart for lite. Kyrne var ikkje så interessert etter at dei hadde beita nokre dagar på same skifte, seier Grethe.