Verdas beste kryssingsrase?: Geno og Viking profilerer begge dei raude rasane som eit godt kryssingsalternativ til holstein. Men i staden for å styrka konkurransekrafta gjennom auka samarbeid, konkurrerer dei no i den same marknaden. Kua på bilete er etter 12131 Domseth-P (NRF) og morfar er danske 24025 VR Elektro. Foto: Geno / Els Korsten.

Ei tapt moglegheit for dei raude mjølkerasane

Geno og VikingGenetics avsluttar planane om eit felles avlssamarbeid for dei nordiske raude rasane.
– Eit tap for begge partar, spesielt med tanke på eksport, meiner Vegard Smenes i Geno.

Liv Kristin Sola

Det er no to år sidan Geno og Viking starta eit arbeid for å vurdere eit tettare samarbeid mellom dei to avlsselskapa og ei sterkare kopling mellom avlsprogramma til NRF og Viking Rød. Styreleiaren i Geno, Vegard Smenes, trur eit tettare samarbeid ville styrka begge avlsorganisasjonane.