«Misse konkurranse»: Det er kallenamnet, sjølv om det her er dei beste vêrlamma som er framme for at dommarane skal avgjere kven som er best.

Tradisjonsrik kåring av vêrlam

For mange ein viktig tradisjon, men ikkje alle ser nytteverdien.

Jofrid Åsland Gilje​

– Eg har alltid likt dei sauene. Det er ein lettstelt og god sau, som produserer godt, seier Tor Jan Espedal.

Bonden driv gard i Bjerkreim og har tatt med seg tre vêrlam til kåringa under Bjerkreimsmarken siste helga i september. Han er heilt klart i mindretal når det gjeld val av sauerase. Farga spælsau, eller «norske» er ikkje fleirtalet sin favoritt, men det bryr han seg lite om. Noko av grunnen til at han deltek på kåringa er òg bestilling av kåra vêrlam til livdyrsal.