Håp for veterinærvaktordninga?

Alvorlege ringverknadar: Færre husdyr svekker næringsgrunnlaget for veterinæren. Med mindre veterinærane skal jobbe deltid, vert dei for få til å klare å dekke vaktordningane. Foto: Istock


Med færre aktive bruk vert det vanskeleg å fylla vaktlistene i mange veterinærdistrikt. Kva følger får dette, og kven har ansvar når du ikkje får hjelp til akutt sjuke dyr?


Ingrid Vikshåland Lyngmo, veterinær ved Veterinærkontoret i Suldal


Veterinærforeininga har i lang tid jobba for å synleggjera dei tiltakande problema med å rekruttera veterinærar til blanda praksis og vaktdeltaking i heile landet. I fleire vaktdistrikt har dei lokale veterinærane gått til det steget å bryta avtalen med kommunane på grunn av manglande næringsgrunnlag og for stor vaktbelastning på dei få veterinærane som deltek i vakta. Resultatet blir at det ikkje er hjelp å få til akutt sjuke dyr både på dagtid og utanom normal arbeidstid. Bønder må sjå på at dyra sine lir, og ta valet om å anten avliva, eller forsøka å få tak i medisinar og behandla dyra sine sjølv, og dermed bryta lova.