Gelato: Eit av mange produkt i Jerseymeieriet er deira heilt eigen gelato. – Gelato er laga av mjølk, og ikkje fløyte, seier meierisjef Sonja. Akkurat denne dagen var det sjokolade på menyen. Først må sjokoladen blandast med isbasen.

Feit meierisatsing på Jæren

Den vesle kua med den feite mjølka speler hovudrolla i satsinga på Herikstad Gaard. Velkomen til landets første jersey-meieri!


Jane Brit Sande


Tre veker før jul kunne Sonja Herikstad Skårland og Per Ådne Skårland helse dei første kundane i gardsbutikken velkommen. Der sel dei fleire mjølkeprodukt, foredla i deira eige gardsmeieri; Jerseymeieriet.


– Det var om og gjere å opna før jul. Det gav oss ein super start. Folk handlar ekstra desse vekene. Som venta, er det rolegare tider no, seier meierisjef Sonja, når Bondevennen er på besøk i januar.