Bygg klimasmart og fleksibelt med ny rettleiar

Trua på tre: Dirk Kohlmann hjå Statsforvaltaren i Vestland.


– Når ein byggjer no må ein tenkje levetid og fleksibilitet, seier Dirk Kohlmann. Ein ny rettleiar på nett skal gjera det enklare for bonden å planlegga nybygg og rehabilitering.


Anne Rivenes, frilansjournalist


Nyleg lanserte Statsforvaltarane i Vestland og Møre og Romsdal ein rettleiar for klimasmarte landbruksbygg i samarbeid med Trefokus AS. Rettleiaren om landbruksbygg ligg som nettside i Bondeboka. no.


– Nettsida lever av å vere ferskvare som heile tida skal utviklast i takt med behova. Det kjem stadig løysingar som er enklare og betre, seier Dirk Kohlmann, fagdirektør for skog, tre og grøne verdiar hjå Statsforvaltaren i Vestland. Han er også redaktør for den digitale bondeboka.