Våronn som normalt

Treng kvalitet: Kvalitets- og volumavlingar er avhengig av rett gjødsling. Bøndene Bondevennen har snakka med er innstilte på å gjødsla som normalt, men har store forventningar til jordbruksoppgjeret til våren. Fotografiet er frå slåtten hjå Birger Reve på Kviljo ein tidlegare sommar.


På Jæren er våronna så vidt i gang, medan grasdyrkarane elles i Sør og Vest er klar til innsats når vêret lagar seg.


Sjur Håland


Uvissa rår kring kva som skjer rundt neste sving. Trass dystre prognosar for den globale matmarknaden og eksplosjonsarta kostnadsutvikling på bøndene sine innsatsfaktorar, beheld grasdyrkarane Bondevennen har snakka med roen og køyrer på med våronn og gjødsling – som normalt.


– Våronna blir som andre år. Det handlar om husdyrgjødselspreiing og fornying av litt av enga. I tillegg dyrkar me litt bygg, det skal me også gjera i år, seier Birger Reve.