Ingen krisestemning – enno

Tilpassing: Rask og uføreseieleg prisauke på straum har gjort at bøndene har hatt lite tid til å tilpassa seg den nye kvardagen med smarte energisparande tiltak. Enkelte unnatak finns. Her er eit solcellepanel under montering alt i 2018. Foto: Jane Brit Sande.


Bøndene betalar rekningane, og det er inga krisestemning i Sør-Vest. Vinteren kan likevel bli stri nok for dei som alt slit eller som har høgt straumforbruk, i følgje rekneskapsførarar Bondevennen har snakka med.


Sjur Håland


– Landbruket er så klart prega av kostnadsauken og det byrjar å dra seg til ute på gardane, seier Andreas Lundegård frå Tveit Regnskap.


Likevel har han ikkje noko kjensle av at det er panikk ute blant bøndene.


– Men varsellampene blinkar så klart hjå både bøndene og oss talknusarar, seier han.