Fem på tolv for antibiotika

Dårleg medisin: Dersom bruken av antibiotika på verdsbasis held fram som i dag, er det stor fare for at verda i løpet av nokre tiår vil koma i ein situasjon der ingen av dei ulike typane antibiotika vil ha effekt. Foto: iStock


I snart hundre år har antibiotika vore til stor velsigning for folk og fe. Slik blir det ikkje i framtida, når bakteriane ikkje lenger lar seg knekke av medisinen.


Asle Bjørgaas
34 års klinisk praksis i Voss, no praktiserande veterinær i Vaksdal og Modalen med vaktsamarbeid med Voss.


For mindre enn 100 år sidan døydde folk og dyr av sjukdomar som i dag kan kurerast med antibiotika. Døme på slike sjukdomar er lungebetennelse, sårinfeksjonar, tuberkulose, og generelt alle sjukdomar som skuldast bakteriar. I dag vert resistens (motstandskraft) mot antibiotika rekna som ein av dei største truslane mot menneska og dyrepopulasjonar.