Bønder: Magnhild og Jan Ove Hobberstad Aanestad.

Kjempenøgde med ku/kalv-fjøs

Stor eigeninnsats har bidrege til at Magnhild og Jan Ove Hobberstad Aanestad har gjennomført tre store byggeprosjekt på garden på sju år. Mjølkefjøset vart sett i drift i mars og nyleg opna dei dørene for skodelystne.


Sjur Håland​



På den 260 dekar store garden Hålå på Varhaug, driv dei to med kombinert svineproduksjon, mjølkeproduksjon og storfekjøtproduksjon. Det nye isolerte fjøset, dimensjonert for Jersey-kyr, er på tett opp mot 1.000 kvadratmeter, og vart teke i bruk i mars i år. Her er 57 liggebåsar pluss ungdyrbingar og kalvegøymer. Sistnemnde er naudsynte sidan bøndene har lagt opp til at kyrne skal gå i lag med kalven i lausdrifta i åtte veker.