Betre rådgiving med nye NLR

NLR SA: Lars Fredrik Stuve, den første leiaren i nye Norsk Landbruksrådgiving SA, fotografert i havreåkeren heime på Sokna i Ringerike kommune. Omorganiseringa fører til få endringar i den regionale organiseringa. – Dei tilsette skal halda fram med jobbane på kontorplassane sine, seier han. Foto: NLR


NLR går frå elleve sjølvstendige einingar til ei eining med seks regionar. Det kan gi fleire positive effektar, meiner styreleiaren.


Sjur Håland


– Ny organisering vil gi betre rådgiving for mange bønder enn det dei har tilgang på i dag, seier styreleiaren i NLR, Lars Fredrik Stuve.


Nå oppmodar han bøndene til å engasjera seg gjennom dei seks nye regionutvala som frå nyttår vil erstatta dei ti regionale NLR-styra.