Biogass: – Me har ikkje lukkast

Gass eller brems?: Støtta frå styresmaktene, gjennom Enova, er avgjerande for å få i gang gode biogassanlegg her til lands. Mykje tyder på at det er eit trongt nålauge å kome gjennom. Illustrasjonsfoto frå Renovo sitt anlegg på Stord. Foto: Sjur Håland


– Når det gjeld biogass, må me erkjenne som nasjon at me ikkje har lukkast, seier Esben Tonning Otterlei i Lyse. Han og andre biogass-aktørar legg skulda på styresmaktene og Enova.


Liv Kristin Sola


– Når det gjeld biogass, må me erkjenne som nasjon at me ikkje har lukkast. Me ligg langt bak mange andre europeiske land som har produsert biogass i ei årrekke. Då er det ikkje sikkert det er på sjølve anlegget me skal vera så innovative og framoverlente.


Hjartesukket, med brodd mot Enovas innovasjonskrav, kom frå Esben Tonning Otterlei i energiselskapet Lyse då Rogaland biogassnettverk i førre veke inviterte til digital statusoppdatering for satsinga på biogass i fylket. At den nye gjødselvareforskrifta er rett rundt hjørnet, aukar presset på husdyrnæringa for å handtere ei eventuell innskjerping av krav til spreieareal.