Ein kasse full av smak frå Ryfylke

Allsidig på Hanakamneset: Rolf Henrik Tveit og Åse Marit Moen Tveit driv med mjølk, gris og sau på Hanakamneset på Sand. Dei håper å auke foredlinga og sal av eigne råvarer slik at dei begge kan leve av garden. Foto Privat.


Etter ein fantastisk start for lokalmatbutikken Loma i desember i fjor, vart det brått rolegare i januar. No går produsentane nye vegar for å auke salet.


Liv Krisitn Sola


Lokalmatbutikken Loma ligg midt i sentrum av Sand, i Suldal kommune i Ryfylke. Elleve produsentar tilbyr eit stort utval av fersk og foredla kjøt, meieriprodukt, bakst, egg og honning.


– Det gjekk svært bra fram mot jul, og me var jo klar over at salet ville droppe i januar. Men etter eit par tre veker har det auka på igjen, jamt og trutt, seier Rolf Henrik Tveit.


I lag med kona Åse Marie Moen Tveit, driv han Hanakamneset gard på Sand. Dei har 12 årskyr og 85 tonn i kvote, ti sauer, 25 purker og slaktar rundt 500 gris i året. Ein del av dei går ute i skogen og vert teke i retur for sal lokalt. Dei har foredla eigne råvarer i over fire år og har eit godt utval i butikken.


– Me ser heilt klart at interessa for lokal mat berre aukar, seier Tveit.