Norskprodusert: Blant Stortinget sine mål om norsk sjølvforsyning ligg eit krav om at 70 prosent av fôrkornet skal vera norskprodusert innan 2034. I dag er talet 55 prosent. Her er det nytreska bygg frå Høyland i Hå som blir tappa over i tilhengaren.

Korn: Treng meir norskprodusert – og høgare kvalitet

Det er ikkje berre kornkvaliteten som må løftast for å nå nye produksjonsmål.
– Grovfôrkvaliteten har stått dønn stille i fleire tiår. Det er eigentleg skuffande, seier Bjørn Gimming.

Sjur Håland

Med det stikket sette leiaren i Norges Bondelag, ein av mange tonar då korn, kraftfôr og sjølvforsyning vart diskutert på årsmøtet til Felleskjøpet Rogaland Agder før påske. Han utfordra grovfôrdyrkarane direkte:

– Kanskje optimaliserer ein del bønder drifta meir etter areal enn etter avling og kvalitet, spurte han retorisk.