Ned med ulla!

Blir borte: Mot slutten av første vekstsesong var ulldukar delvis nedbrotne. Nedbrytinga startar først i kantar som er dekte av jord.


Saueull som gjødsel eller dekkmateriale mot ugras? Jo, det ser lovande ut.


Olav Martin Synnes, NLR og Kirsty McKinnon, NORSØK


Kvart år blir store mengder saueull klassifisert som «lågverdi-ull». Denne har i stor grad blitt kasta, nedgrave eller brent. Tala frå Noreg er usikre. Det kan omfatte meir enn 400 tonn årleg.
Kan vraka saueull nyttast som gjødsel, i eng eller i åker? I fleire land i Europa, og i New Zealand, er det gjort forsøk med ull som gjødsel. Ulla er klipt i svært små bitar, og pelletert. Dei fleste av desse forsøka er gjort i åkervekstar. Resultata er lovande.