Alt på stell: I hønsehuset har hønene både rugekassar, kraftfôrautomat, vassbøtter og vaglepinnar.

Ni år og avløysar

Kvar dag etter skulen køyrer Hannes ned til hønene på nabogarden. Her samlar han egg, og ser til at hønene har mat og vatn.

Liv Kristin Sola

Hannes Herikstad bur på gard på Herigstad utanfor Bryne på Jæren. Sidan i vår, har han hatt fast jobb som avløysar hjå hønene på nabogarden. Kvar dag, bortsett frå tysdag og onsdag.

– Onsdagar går eg på symjing og på tysdagane er det Maksklubben kor me lagar ting av tre, seier niåringen.