Ønskjer mykje lågare konsesjonsgrense

Meir areal i god drift: Odelsjenta og MDG-politikaren Margit Fausko, håper å få fleire aktive bønder og meir areal i drift blant anna ved å seinke arealgrensa på konsesjonspliktige bruk. Foto: Privat


MDG vil redusere arealgrensa for konsesjon til ti dekar, samt skjerpe bu- og driveplikta. Målet er å auke sjølvforsyninga til 60 prosent innan 2030.


Liv Kristin Sola


– 13 prosent av jordbruksarealet vårt er ute av drift og sjølvforsyningsgraden er dalande. Det er først og fremst eit sikkerheitsproblem, seier Margit Fausko, som har markert seg i landbruksdebatten som fyrstekandidat for MDG i Buskerud.


Odelsjenta frå Hemsedal ynskjer ein ny kurs for jordbrukspolitikken kor auka sjølvforsyning er eit overordna mål. Då må alt tilgjengeleg areal i drift og jorda må drivast godt.


– At kyrne beitar på dyrka mark medan beitene gror att kan vere lønsamt i dagens system, men det svekker sjølvforsyninga. Me må snu trenden, seier Fausko.