Rogaland skal produsere meir handelsgjødsel

Vekst: I veksthusa på Særheim testast ulike blandingar av vekstmedium. Komponentane er mellom anna husdyrgjødsel, biokol og kompostert bork. Plantene skal veksa i eit medium med rett struktur og god vasslagringsevne. Arne Sæbø viser også fram to glas innehaldande gjødselgranulatblandingar med ulike komponentar og næringsinnhald.


Avfall er gull. Mafigold-prosjektet på Særheim vil utvikla nye typar handelsgjødsel og møta gjødselkrisa med næringsoverskotet frå Rogaland.


Sjur Håland


– Dette skal det bli handelsgjødsel ut av, seier Nibio-prosjektleiar Arne Sæbø og ristar energisk på to små gjennomsiktige glas med tørka gjødselgranulatblandingar med ulik farge og innhald.


Om ikkje rogalandsbønder og oppdrettsnæringa med gjødsel til overs kan redde verda sitt plantenæringsbehov, kan resultata frå Mafigold-prosjektet likevel vera eit steg eller fleire i rett leid.