Samlar Karalaget til klimainnsats

Ein genistrek: Bøndene i Karalaget er ikkje i tvil. Det hastar å få på plass dokumentasjon på utslepp av klimagassar i landbruket. – Klimaavtalen har finta ut «Klimakuren». Det var ein genistrek, seier Ansgar Solheim.
F.v. Laurits Engelsvoll, Klepp; mjølk og storfeslakt. Ansgar Solheim, Klepp; Mjølk, storfeslakt og korn. Vegard Voll, Sola; mjølk, storfeslakt og potet. Bjørn Otto Byberg, Sola; mjølk, storfeslakt, gris og maskinstasjon. Jan Ove Hole, Klepp; mjølk, storfeslakt, slaktekylling, mais og gardsbutikk. Martin Hebnes, Sola; mjølk og kylling. Gustav Helleberg, Varhaug; mjølk og kylling.


– Skal landbruket nå sine klimamål utan å kutte i matproduksjonen, må me sjølve ta styringa, seier Ansgar Solheim. No mobiliserer han kameratgjengen til å ta i bruk Klimakalkulatoren.


Liv Kristin Sola


Ansgar Solheim er ein av Bondelaget sine klimasmarte spydspissbønder. Det betyr at han skal motivere andre bønder til å ta i bruk Klimakalkulatoren.


– Alternativet er Klimakur 2030. Den ville rasert landbruket, utan tvil, seier han, og viser til Solberg-regjeringa sin rapport «Klimakur 2030» som vart lansert i 2020. Rapporten vart ein kraftig vekkjar som førte til at landbruket inngjekk sin eigen klimaavtale med regjeringa året etter.