For seint ute: Kari Marte Sjøvik meiner økologisk drift er viktig for matberedskap og er utolmodig på vegne av den norske økosatsinga. – Kunnskap om økologisk landbruk har ein eigenverdi som spydspiss med tanke på beredskap. Å vente til marknaden er der er å vere to år for seint ute. Det viser seg jo no, seier ho, med klar referanse til økomjølka. Foto: Malin Longva, Økologisk Norge

Sårbar beredskap

Matberedskapen vår er avhengig av import, både av mat og av innsatsfaktorar til eigen matproduksjon.
– Utruleg sårbart, seier Kari Marte Sjøvik i Økologisk Norge.

Liv Kristin Sola, skribent

Gjennom prosjektet «Farm to fork» har EU som mål å nå 25 prosent økologisk innan 2030. Seksten land i Europa har minst ti prosent av jordbruksarealet sitt i økologisk drift. Seks land har 20 prosent eller meir, og berre Austerrike har over 25 prosent økologisk jordbruksareal. Her til lands er arealet godt fire prosent.