Straumavtalen ikkje nok

Må ha varme: Energiforbruket er høgt i kyllinghusa. Straumprisane gjer situasjonen krevjande for mange produsentar. Illustrasjonsfoto: Istock


– Ordninga er målretta, sa bondelagsleiar Bjørn Gimming etter at straumavtalen med regjeringa var i boks. – Dette er heilt uhaldbart, seier bonde Mikal Hetland.


Jane Brit Sande


Tidleg i førre veke kom endeleg straumavtalen for landbruket på plass. Landbruket får kompensert 80 prosent av kostnadane til straumforbruk i januarmars, avgrensa til 20 000 kilowattimar per månad. Veksthusnæringa får ikkje ei øvre grense. Kostnadane for forbruket i desember blir kompensert med 55 prosent, med same avgrensing. Bondelaget var nøgd.


– Ordninga er målretta, sidan den kompenserer forbruket hjå bonden som må nytta mykje straum i matproduksjonen, sa bondelagsleiar Bjørn Gimming til bondelaget.no.


Men ikkje alle er like nøgd med avtalen.


– Dette er heilt uhaldbart. Det går ikkje i hop, seier Mikal Hetland, bonde på Fister i Hjelmeland kommune, til Bondevennen.