Turbulent og usikker gjødselmarknad

Opp eller ned?: Høge gassprisar er blant årsakene til den store prisauken på gjødsel siste halvåret. Prisane på Fullgjødsel og anna NPK-gjødsel kan likevel bikka litt ned når etterspørselen i dei store matproduserande landa i Europa går ned i juni, men Felleskjøpet understrekar at det meste er svært usikkert for tida. Foto: FKRA


Prisauken på enkelte gjødselslag har stige 250 prosent sidan i fjor sommar og fram til no. Kva som skjer vidare med prisane er i det blå, men eit lite prisfall på nitrogengjødsel kan koma i juni, seier Felleskjøpet.


Sjur Håland


Salet av mineralgjødsel dei tre siste månadane i fjor bar preg av at bøndene venta prisstigning. Felleskjøpet Rogaland Agder selde 19.000 tonn, nær 10.000 tonn meir enn normalt denne perioden, fortel Frank Morten Levang, kategoriansvarleg gjødsel.


– Kundane våre har følgt godt med på det som rører seg i marknaden, sett at prisane peiker oppover, og har handla deretter, seier han.