Tydeleg prega: Matlysta er vekke, øyra heng og søya har feber og vondt for å røre seg. Foto: Kristina Jordalen

Akutt mastitt og koldbrann hjå sau

Det kan vere kort veg og berre snakk om få timar frå ein frisk og kvikk sau til ein som er alvorleg sjuk.

Hildegunn Mugås, dyrlege ved Voss Dyreklinikk og sauebonde.

Ein betent jurkjertel kan få store konsekvensar både for sau og lam og inneber ekstra arbeid og kostnader for bonden. Jurbetennelse er ein kjent sjukdom for dei fleste sauebønder. Vel seks prosent av innmelde sjukdommar i Sauekontrollen er jurbetennelsar. Av dei endar åtte prosent med koldbrann.