Godt hald: Påsettlam, gimrar og tynne søyer bør ha litt hardare fôring for vekst eller haldbygging. Om ein sett dei inn i månadskifte september/oktober, bør ein bruke førsteslåtten. Vurderinga frå NLR er basert på årets fôrprøvar. Foto: Thea Hjertuslot

NORSK LANDBRUKSRÅDGIVING:

Disponering av fôr etter ein utfordrande sesong

Årets grovfôrsommar har vore utfordrande for mange på sørvestlandet. Her kjem generelle anbefalingar til fôring basert på statistikk frå fôrprøvar.

Johannes Bakke, NLR

Heilt i sør har det vore svært tørt, og i vest har bøndene berre hatt små periodar med opphaldsvêr til å gjødsle og hauste gras. Fôrkvaliteten er svært varierande frå bruk til bruk, og region til region. Mengdemessig må ein kunne seie at 2026 vart ok minus.

Når me skriv slutten av oktober er likevel dei aller fleste ferdig med onnene for i år, og det kan vere greitt å ta ei oppsummering av årets sesong, og sjå korleis ein skal disponere dei ulike fôrkvalitetane ein har fått i hus.