Lurt å optimalisere: Tenk - i sauehaldet utgjer kostnadar knytt til fôring rundt 80 prosent av dei variable kostnadene.

NORSK LANDBRUKSRÅDGIVING:

Grovfôrstrategi til sauen

Kvaliteten på grovfôret til sau er svært viktig, då sauen har grovfôr som viktigaste og einaste matkjelde i periodar gjennom året. Sauer har òg ulike behov til fôring med tanke på energi, protein og fiber.

Fagressursar på sau i NLR: Ove Sørestrand, Torhild Svisdal Mjøen og Sondre Lauareid Hovda

I sauehaldet utgjer kostnadar knytt til fôring rundt 80 prosent av dei variable kostnadene, basert på nøkkeltal frå Jæren Rekneskapslag 2023. Dersom vi samanliknar bøndene med 30 prosent høgast dekningsbidrag per søye utan tilskot, mot bøndene med 30 prosent lågast dekningsbidrag per søye utan tilskot, så har dei ein differanse på ca. 300 kr i kostnader forbunde med fôring per søye. Rundt halvparten av differansen utgjer kostnader til kraftfôr. Det understrekar at det hjå mange bønder er eit potensial til å auke lønnsemda i sauehaldet gjennom ei meir strategisk og målretta fôring.