Nei takk: Det viste seg at hoppa allereie var drektig og skulle ha føl. Illustrasjonsfoto: Ingvild Rydjord Hansen

VETERINÆREN:

Hoppa let seg ikkje sjarmere

Ikkje la deg lure – sjølv om du ser brunst kan dyret vere drektig.

Oddfrid Vange Bergfjord, privatpraktiserande dyrlege i Sogndal og Luster, og frilansjournalist for Buskap.

Det er som regel eit dårleg teikn når dyr du har inseminert eller para viser brunståtferd ved neste syklus. Det tyder nemleg på at dei ikkje har «tatt seg». Men ingen regel utan unntak. For av og til kan drektige dyr oppføra seg som om dei er i brunst.